PORTO DE ARES

Ares está situado ao norte da provincia da Coruña, entre as puntas Coitelada, polo norte, e a Punta Torrella polo sur. Este porto atópase no Golfo Ártabro formado polas rías de Ferrol, Ares e Betanzos así como a Baía da Coruña.
A vila de Ares ocupa unha situación privilexiada, no fondo dunha enseada protexida do mar aberto e dos ventos. Achegarse a Ares é aproximarse á tranquilidade; a súa contorna invita ao paseo e ao relax e a gozar das súas tranquilas praias.